Category: శతక పద్యాలు

తన సత్కర్మాచరణం బున భాగ్యము వేగవృద్ధి బొందు జగత్ప్ర్రా ణుని వర సాహాయ్యముచే ననలం బెంతైన బెరుగునయ్య కుమారా! తాత్పర్యం: ఓ కుమారా! అగ్నివృద్ధి పొందాలంటే వాయువు ఎట్లు అవసరమగునో మంచిపనులు చేయుటవలన సంపదలు కూడా అట్లే అభివృద్ధి చెందును.

చిన్నవయసునందె చిత్తాలు రంజించు పద్య తతులు నేర్చి పలుక వలయు పద్య ధారణమ్ము ప్రతిభను పెంచును తెలిసి మెలగ మేలు తెలుగు బాల. తాత్పర్యం: చిన్న వయసులో ఎన్నో రకాల పద్యాలు నేర్చుకొని పదే పదే పలుకుతూ ఉండాలి. పద్యాలు నేర్చుకొని గుర్తు పెట్టుకోవడం వల్ల ప్రతిభ పెరుగుతుంది. తెలుసుకుని మసులుకో ఓ తెలుగు బాల.

ఆలి మాటలు విని అన్నదమ్ములబాసి వేరే పోవువడు వెర్రివాడు కుక్క తోక బట్టి గోదావరీదునా విశ్వదాభిరామ వినురవేమ   తాత్పర్యం : భార్య మాటలు విని అన్నదమ్ములను వదిలిపోవుట అజ్ఞానము.  కుక్కతోక పట్టుకొని గోదావరి ఈదుట అసాధ్యము.

తామసించి చేయ దగదెట్టి కార్యంబు వేగిరింప నదియు విషమె యగును పచ్చికాయదెచ్చి పడివేయ ఫలమౌనె వి శ్వ దా భి రా మ వి ను ర వే మా! భావము : పచ్చి పింది కాయను తెచ్చుకొని తింటే ఫలమవుతుందా (రుచిగా ఉంటుందా?) అలాగే బాగా మ్రుగ్గిన,కుళ్ళిన ఫలము కూడా విషంతో సమానం కదా? Read More …