మహాభారతంలో మధురమైన ప్రేమకథలు.. మరుపురాని అనుబంధాలు
మహాభారతం మంచి-చెడులకు మధ్య తారతమ్యాలను గుర్తించి పరిస్థితులకు అనుగుణంగా ఎలా గడపాలో తెలుపుతుంది.
అంతేకాకుండా నిర్ణయాలు తీసుకునే విషయంలోనూ సహాయపడుతుంది.
మహాభారతమంటే కేవలం యుద్ధాలు, పోరాట కథలే కాకుండా మధురమైన ప్రేమ కథలు ఎన్నో ఉన్నాయి.
మహాభారతం మనకు మహాకావ్యం, ఇతిహాసమే కాదు. నీతిని బోధిస్తుంది. జీవనవిధానాన్ని నేర్పిస్తుంది.
అంతేకాకుండా పరిస్థితులు విభిన్నంగా ఉన్నప్పుడు ఎలా ప్రవర్తించాలి, పరిణామాలను ఎలా ఎదుర్కోవాలి అనే విషయాలను తెలియజేస్తుంది.
ఇదే సమయంలో మహాభారతం మంచి-చెడులకు మధ్య తారతమ్యాలను గుర్తించి పరిస్థితులకు అనుగుణంగా ఎలా గడపాలో తెలుపుతుంది.
అంతేకాకుండా నిర్ణయాలు తీసుకునే విషయంలోనూ సహాయపడుతుంది. మహాభారతమంటే కేవలం యుద్ధాలు, పోరాట కథలే కాకుండా మధురమైన ప్రేమ కథలు ఎన్నో ఉన్నాయి.
వాటిలో బాగా ఆకర్షించే కొన్ని ప్రేమ కథలు ఇప్పుడు చూద్దాం.
శ్రీకృష్ణుడు-రుక్మిణీల వివాహం..
మహాభారతంలో శ్రీకృష్ణుడు-రుక్మిణీల వివాహం గురించి ముందుగా చెప్పుకోవాలి. ఎందుకంటే ఇక్కడ వాసుదేవుడు రుక్మిణిదేవిని తీసుకెళ్లి వివాహం చేసుకుంటారు.
విదర్భ మహారాజు భీష్మకుడి కుమార్తే రుక్మిణి. భీష్మకుడు జరాసంధుడికి సామంతుడు.
అయితే రుక్మిణీదేవి-శ్రీకృష్ణుడు ఒకరినొకరు ఇష్టపడతారు. గాఢంగా ప్రేమించుకుంటారు.
రుక్మిణి సోదరుడు అయిన రుక్మికి ఇష్టముండదు. అంతేకాకుండా అతడు కంసుడికి మిత్రుడు.
శ్రీకృష్ణుడు, కంసుడిని హతమార్చడం వల్ల అతడు సోదరి ఇష్టానికి వ్యతిరేకంగా నిలిచాడు. దీంతో రుక్మిణి.. తనను ఎలాగైన పెళ్లి చేసుకోవాలని కన్నయ్యకు ఓ లేఖను పంపిస్తుంది.
ఆ సందేశం అందుకున్న వెంటనే కృష్ణుడు, బలరాముడితో సహా ద్వారకా నుంచి విదర్భ బయల్దేరాడు.
అనంతరం రుక్మిణిని తీసుకెళ్లి వివాహం చేసుకుంటారు. దీంతో రుక్మిణి సోదరుడికి కృష్ణుడికి వైరం ఏర్పడుతుంది.
సుభద్ర, అర్జునుడి వివాహం..
శ్రీకృష్ణుడి సోదరి సుభద్ర.. అర్జునుడి ప్రేమిస్తుంది.
అయితే ఇందుకు ఆమెపెద్దన్నయ్య అయిన బలరాముడు ఒప్పుకోడు. తన స్నేహితుడుతడైన దుర్యోధనుడికిచ్చి జరిపించాలని చూస్తాడు.
అయితే శ్రీకృష్ణుడు సోదరి ఇష్టప్రకారం అర్జునుడికి ఇచ్చిపెళ్లిచేస్తారు. వివాహం చేసుకునేందుకు సుభద్రను అపహరించి తీసుకెళ్లాలని అర్జునుడికి సూచించి తతంమంతా వెనుకుడి నడిపిస్తాడు.
వీరిద్దరికి పుట్టిన వాడే అభిమన్యుడు.
కృష్ణుడి కుమారుడి ప్రేమవివాహం..
శ్రీకృష్ణుడికి 8 మంది భార్యలున్న సంగతి తెలిసిందే.
వీరిలో జాంబవతి ఒకరు. జాంబవతి-శ్రీకృష్ణుడి కుమారుడి పేరు సాంభా. దుర్యోధనుడి, భానుమతి కుమార్తే అయిన లక్ష్మణాతో సాంబా ప్రేమలో పడ్డాడని కథ ఉంది.
ఇద్దరూ ఒకరినొకరు వివాహం చేసుకోవాలని అనుకున్నారు. కానీ దుర్యోధనుడు తన కుమార్తేను శ్రీకృష్ణుడి కుమారుడికిచ్చి వివాహం చేయడానికి ఇష్టపడలేదు.
కాబట్టి ఓ రోజు సాంభా లక్ష్మణా వివాహం చేసుకొని ద్వారకాకు బయల్దేరుతాడు. ఈ విషయం తెలుసుకున్న కౌరవులు తమ సైన్యంతో మార్గం మధ్యంలోనే సాంభాతో యుద్ధం చేసి అతడిని బంధీగా పట్టుకుంటారు.
ఈ విషయం తెలిసిన కృష్ణబలరాములు హస్తినకు చేరుకొని తమ ఆగ్రహాన్ని ప్రదర్శిస్తారు.
బలరాములు తన నాగలి హస్తినాపురాన్ని గంగానదిలో ముంచడం ప్రారంభిస్తాడు.
ఇది చూసిన కౌరవులతో సహా ప్రజలందరూ భయపడి క్షమాపణలు కోరుకుంటారు.
అనంతరం లక్ష్మాణ-సాంభాను విడిచిపెట్టి వేదపండితుల మధ్య మళ్లీ వివాహం జరిపిస్తారు.
అంబ, అంబాలిక, అంబికల వివాహం..
మహాభారతంలో అంబా, అంబికా, అంబాలికలు కాశీరాజు కుమార్తేలు. ఈ ముగ్గురి స్వయంవరానికి అందరు రాజులతో పాటు భీష్ముడు కూడా వెళ్తాడు.
వారందరిని ఓడించి ముగ్గరు రాకుమార్తేలను హస్తినాపుర్ కు తీసుకొస్తాడు భీష్ముడు. తద్వారా ముగ్గురు సోదరీమణులను సత్యావతి కుమారుడు విచిత్రవీర్యతో వివాహం చేయాలని చూస్తాడు.
అయితే అంబిక, అంబాలిక ఈ పెళ్లికి ఒప్పుకుంటారు. కానీ అంబ మాత్రం వేరొకరిని భర్తగా భావించినట్లు చెప్పి వివాహానికి నిరాకరిస్తుంది.
అనంతరం ఆ రాజు కూడా అంబను అంగీకరించలేదు.
భానుమతి-దుర్యోధనుడి వివాహం..
మహాభారతంలో భానుమతి-దుర్యోధనుడి వివాహం ప్రత్యేకమైంది. భానుమతి కాంబోజ రాజు చంద్రవర్మ కుమార్తే.
అంకేకాకుండా ఆమె ఎంతో సౌందర్యవతి, ప్రతిభావంతురాలు. ఆమె స్వయంవరానికి జరాసంధుడు, శిశుపాలు, రుక్మీలతో సహా దుర్యోధనుడు కూడా వెళ్తాడు.
జయమాల ఎవరిమెడలో వేస్తే అతడు ఆమె భర్తగా మారతాడు. అయితే భానుమతి జయమాలను తీసుకొని ముందుకు నడుస్తుండగా.. దుర్యోధనడు ఆమెను అడ్డుకొని బలవంతంగా తన మెడలో వేసేలా ప్రేరేపిస్తాడు. ఈ విధంగా భానుమతి.. దుర్యోధనుడి భార్య అవుతుంది.